காசுக்காக நோயைப் பரப்பிய கோவை கண்ணன் ஸ்டோர்ஸ்: அதிகாரிகள் சீல்!

மேட்டுப்பாளையத்தில் செயல்பட்டு வரும் வணிக நிறுவனமான கண்ணன் டிபார்ட்மெண்டல் ஸ்டோர், ஆர்த்தி டிபார்ட்மெண்டல் ஸ்டோர் 3000 சதுர அடிக்கு மேல் செயல்பட்டுவரும் இந்த வணிக நிறுவனத்தில் ஆயத்த ஆடைகள் முதல் மளிகை பொருட்கள் வீட்டு உபயோக பொருட்கள் என அனைத்தும் ஒரே கூரையின்கீழ் கிடைக்கிறது. இதனால் இங்குப் பொதுமக்கள் கூட்டம் எப்போதும் அலைமோதிய வண்ணம் இருக்கும்.

காசுக்காக நோயைப் பரப்பிய கோவை கண்ணன் ஸ்டோர்ஸ்: அதிகாரிகள் சீல்!

இந்த நிலையில், கொரோனா வைரஸ் தடுப்பு முன்னெச்சரிக்கை நடவடிக்கையின் ஒரு பகுதியாக,தமிழகம் முழுவதும் வரும் 24ஆம் தேதி வரை ஊரடங்கு உத்தரவு பிறப்பிக்கப்பட்டுள்ளது இதில் பெரிய வணிக வளாகங்களை வரும் 24 ஆம் தேதிவரை கண்டிப்பாக மூடிவிட வேண்டும் என்று தமிழக அரசு உத்தரவிட்டிருந்தது.

ஆனால் இந்த உத்தரவை மீறி கோவை மாவட்டம் மேட்டுப்பாளையத்தில் செயல்பட்டு வந்த கண்ணன் டிபார்ட்மெண்டல் ஸ்டோர்ஸ், ஆர்த்தி டிபார்ட்மென்டல் ஸ்டோர் உள்ளிட்டவை வழக்கம்போல் நேற்று இயங்கியுள்ளது. இதையடுத்து கடையை மூடும்படி மேட்டுப்பாளையம் நகராட்சி அதிகாரிகள் எச்சரித்துள்ளனர். எனினும் மூடவில்லை.

கோவை மருத்துவமனையில் இடமில்லை வாசலில் இறந்த முதியவர்: பலர் காத்திருப்பு!

அரசின் உத்தரவுகளை மீறியும் அதிகாரிகளின் பேச்சுக்குக் கொஞ்சமும் மதிப்பு கொடுக்காமலும், அந்த வணிக நிறுவனத்தினர் வழக்கம்போல் பிசியாக பிஸ்னஸ் பார்த்துக் கொண்டிருந்தனர். இதையடுத்து, குறிப்பிட்ட வணிக நிறுவனங்களுக்கு மேட்டுப்பாளையம் நகராட்சி அதிகாரிகள் சீல் வைத்தனர்.

பிரபல வணிக நிறுவனத்துக்குச் சீல் வைக்கப்பட்டுள்ள சம்பவம், மேட்டுப்பாளையத்தில் அரசின் உத்தரவுகளை மீறிச் செயல்பட்டு வரும் பிற வணிக நிறுவனங்களின் உரிமையாளர்கள் வயிற்றில் புளியைக் கரைத்துள்ளது.

இதுகுறித்து மேட்டுப்பாளையம் நகராட்சி ஆணையாளர் சுரேஷ் குமார் கூறுகையில், “இது போல் அரசின் உத்தரவுகளை மீறிச் செயல்படும் நிறுவனங்களைக் கண்காணிக்க உத்தரவிடப்பட்டுள்ளது. அரசு உத்தரவை மீறிச் செயல்படும் வணிக நிறுவனங்களைச் சீல் வைக்கப்படும்” என எச்சரித்துள்ளார்.

Facebook Comments Box
Author: sivapriya