நாளை முழு ஊரடங்கு: இன்றே கோவை முழுவதும் பரவும் கொரோனா, கூட்டக் கூட்டமாக வெளியேறும் மக்கள்!

நாளை முதல் முழு ஊரடங்கு அமல்படுத்தப்படுவதால் சொந்த ஊர் செல்வதற்காக மக்கள் கோவையில் உள்ள பேருந்து நிலையங்களில் குவிந்து வருகின்றனர். இதனால் அனைத்து இடங்களிலும் கொரோனா அபாயம் நிறைந்துள்ளது.

கொரோனா 2ஆவது அலையின் தீவிரம் காரணமாகத் தமிழகம் முழுவதும் நாளை முதல் வரும் 24ஆம் தேதி வரை முழு ஊரடங்கு அமல்படுத்தப்பட்டுள்ளது.

நாளை முழு ஊரடங்கு: இன்றே கோவை முழுவதும் பரவும் கொரோனா, கூட்டக் கூட்டமாக வெளியேறும் மக்கள்!

தென்னிந்தியாவின் மான்சிஸ்டர் என்று அழைக்கப்படும் கோவை மாவட்டத்திலிருந்து தொழிற்சாலைகள் அதிகமாகக் காணப்படுகிறது. இங்குப் பணி புரியும் மக்கள் நாளை முழு ஊரடங்கு என்பதால் அவரவர் சொந்த ஊர் செல்ல தொடங்கியுள்ளனர். ஊருக்குச் செல்ல வசதியாக 24 மணி நேரமும் பேருந்துகள் இயக்கப்படும் என நேற்று தமிழக அரசு அறிவித்தது.

இதனால் கோவை, சிங்காநல்லூர் மற்றும் காந்திபுரம், உக்கடம் உள்ளிட்ட பேருந்து நிலையங்களில் பொதுமக்கள் குவிந்துள்ளனர். மக்கள் கூட்டம் அதிகரிக்கத் தொடங்கிய நிலையில், பெரும்பாலானோர் பேருந்துகள் கிடைக்காமல் நீண்ட நேரம் காத்திருக்க நேர்ந்தது. இதையடுத்து கூடுதல் பேருந்துகளை இயக்க பொதுமக்கள் கோரிக்கை விடுத்துள்ளனர்.

கொரோனா ஹோம் குவாரன்டைன்… கலக்கும் கோவை மாணவர்கள்!

ஏராளமான மக்கள் இருசக்கர வாகனங்களிலும் பயணித்து வருகின்றனர். இதனால் போக்குவரத்து நெரிசல் அதிகமாகக் காணப்படுகிறது. இந்த கூட்டம் காரணமாக எளிதாக் கொரோனா தொற்று பரவல் ஏற்படுகிறது எனச் சுகாதார அதிகாரிகள் வேதனை தெரிவிக்கின்றனர்.

Facebook Comments Box
Author: sivapriya